Inloggen

Inloggen

poster_jeugd_2020_kl.jpg

SponsorKliks, gratis sponsoren!

Hier zijn ze dan, onze nieuwe jeugdprins Rens I en bloemenmeisje Selin. Uitgeroepen op zondag 14 januari 2017 in het patronaat van welten.

poster jeugd 2017

 

jeugdprins Rens I 2017Jeugdprins Rens I

Och al woar ich pas vuur d’r 19e fibberwaar 2007 besjtelt, aan alle behei um mich hin kós ich merke dat er get belangrieks te gebuure sjtong.

Wie ich toendertied op d’r 17e fibberwaar huurde dat d’r Sjpringmiddig al beinoa aafgelope woar dach ich: dit woar ‘t letste feske zónger mich, vanaaf noe doeën ich óch mit.

Op deezelfde Vasteloavendszoaterdig zoog ich ‘t daagleech en leef lüj ich woar d’r meteen kloar vuur, inne Vlavrèter woar geboare.

Dat gebuürde allemoal in d’r Doom 27 en vier houwe ‘t geluk dat op d’r moandig d’r Vasteloavendsóptoch langs os hoes trok.

Wie mieng pap en de mam wie d’r Alexander en ‘t Maxima vuur de vinster sjtonge te kieke en ich Prinsheerlijk op d’r erm loog te sjoenkele ging d’r ing welt vuur mich oape.

En doa koam d’r Prins langs mit zie gevolg en ich dach: Dat wil ich och!

Umdat vier nog get kòtter bei ‘t Patrenaat woole woeëne zint vier (mienge pap en mieng mam en mienge broar Martijn) vuur dat ich 1 joar woeëd verhoesd noa ‘t hoes van de buure. Doa gruide ich op tot d’r jóng deë ich noe bin.

Ich zit bei meester Frank in groep 6 (van groep 4/6) van de St. Martinussjoel i Welte.

Ich voetbal al ee paar joar bei de sjunste kloeb va Welte-Bensroa: Weltania. Same mit de jónge van ut elftal van de E1 hant vier veul sjpass en vruie vier os noe al op de derde helft die vier later vas en zieëker och same gónt spieële. Gelukkig zitte noe och voäl jónge van ut elftal in de Road van Ellef, ich bin dus ummer in gezelsjap van voäl va mieng vrung.

Ich moag neet klage want ich han boete ‘t traine en ‘t sjpiele va wedsjtrijde och nog tied um anger dinger te doeë.

As d’r good oplet kint dier mich zieë sjtunte op miene sjtuntsjep, vuur ing 180 drieën ich mieng hank nit um, of zieë flitse op miene bmx. Och sjpring ich geer op de trampoline bij os in d‘r gaad of gooi ich un pielke op ‘t dartbord.

In de herfsvakansie hant de pap en de mam mich verteld dat ich d’r neue Jeugprins va Welte- Bensroa moag waëde en wat woar ‘t moeilijk um te motte zjwiege.

En noe hang ich dan aan zoe-voäl vinstere sjtolz noa jiekerinne te kieke en wat maakt mich dat blie.

Ich hoap dat gans Welte-Bensroa achter d’r groëte Prins Paul II, ut Blómmemeëdje Selin en mich als Jeugprins Rens I aa wil loape in de polonais en dat vier ‘t sjunste fes van de Welt dit joar same moage viere.

Vier zient os!

Jeugprins Rens (van Meijel) d’r Ieësjte

Welte-Bensroa ALAAF!



Bloemenmeisje Selin

Leef lüj va Welte-Bensroa,Bloemenmeisje Selin

Hej sjtoa ich da, wat ing verrassing!! Ich weet zelf nog mar net dat ich ut nuie Blómmemeëdje 2017 bin va CV de Vlavrèters! Mieng pap en mam dósje ut mich neet ieëder te vertelle, umdat ich ut zoeë leuk zouw vinge, dat ich miene mónk neet zouw kinne haote en ut jieëkerinne zouw vertelle! Ze hant ut mich pas onger d’r krisboom verteld, en doe moos ich nog 3 weëke zjwiege, dat woar moeilik! Mieng auwesj zagten dat mieng oma e fes zou geëve vuur heur 85E verjoardaag, en dat ich doavuur e sjoan fesklidje moog oetzeuke, en ut ergste waor dat ich dat och nog allemoal geleuvde! Het ieësjte wat ich woal weëte, woar weëe d’r nuie Jeugprins zou weëde, mar dat han ich net pas gehoeëd, vuur dat v’r opkoame. Jeetje wat woar ut sjpannend allemoal!

Ich bin Selin Rollas, 9 joar en same mit miene broor Cem, mieng auwesj en d’r honk Lucky woeën ich aan ut Laarhofplein i Welte. Ich zit bei meester Peter in groep 6 van de St. Martinussjoel. Sjporte doon ich erg geer, en komisj genog ummer i Voelender: tennisse, danse en turne. Wiëer sjpiel ich geer mit mien vrundinne, die woeëne bauw allenui in de buurt, knutsel ich geer en sjpiel ich soms e sjpelke op d’r Ipad. 

Och ving ich ut leuk um noa ut voetballe te goa: op zoaterdig goan ich noa ut voetballe va miene broor Cem bij Weltania kieke, en mit de ganse familie gont ver noa Roda JC. Dat ving ich super leuk, ich bin al 2x in de line up geweeë, doe móg ich same mit inne sjpieler va Roda JC ut veld op, dat woar sjpannend!

En noe vrui ich mich op de kommende Vasteloavend, dat weëed e fes!

Al un paar kier han ich mitgeloape in d’r óptoch va Heële en va Welte-Bensroa, en dat woar super leuk, mar um noe es Blómmemeëdje de Vasteloavend te viere, dat is geweldig! Ich vrui mich op alle leuke aktiviteite die op ut programma sjtunt, en woeë ich same mit d’r Jeugprins Rens I en de Road va 11 aa mit moag doeë, zoeë wie d’r sjpringmiddig in os eëge Welte, en es klap op d’r vuurpiel d’r óptoch va Welte-Bensroa, went ich same mit Jeugprins Rens I boave op d’r waan moag sjtoa. Loat de Vasteloavend mar beginne!

Welte-Bensroa Alaaf!

Blómmemeëdje Selin Rollas