Inloggen

Inloggen

prins_2020_Vlavreters.jpg

SponsorKliks, gratis sponsoren!

Hier zijn ze dan, onze nieuwe jeugdprins Yordin I en bloemenmeisje Charlotte. Uitgeroepen op zondag 12 januari 2020 in het Patronaat van Welten.

poster jeugd 2020 kl

 

Jeugdprins Yordin I

Leejeugdprins 2020 klHallo leef luuj va Welte-Bensroa,

 

Vol stólz moag ich uch vertelle dat ich ugge nuie Jeugprins bin!

Ich heet Yordin Erenz en ich bin nuëge joar oad en woeën al mie ganse leëve i Welte saame mit miene pap, mam, broar Dylano en hundje Sonny.

Ich zit op de St. Martinussjoel i groep 6 bie juf Nikki en juf Angelique.

Ich hub veul hobbies die bienoa allemoal mit moeziek te make hubbe, ich krieg drumles en hub e sjiek drumstel op mien kamer woe ich flink op kin oefene. Neëve dat drumstel sjteet inne LP spieler woe ich geer lp’s va Queen, ACDC en the Beatles op loester en binnekot goa ich óch nog op gitaarles. Vasteloavesmoeziek huur ich óch geer want dat sjteet vanaaf d’r 11 va d’r 11 op i hoes dus dat is mich mit d’r papleëpel igegoate…. ut leukste ving ich leedjes va Demi Sec, Fabrizio, dr Sjoenkelwals en natuurlik Einmoal Prins te zieë.

Wier ving ich ut leuk om mit mieng vrung boete te sjteppe of same te gamen en get te gekke.

Wie miene broar Dylano ee paar joar geleie bie de Road va 11 zoot en ich um sjpass en plezeer zoog make mit zieng vrung dach ich meteen dat wil ich óch es ich i groep 6 zit. Ich ging ummer effe mit en woal egelik och doa blieëve. Ee paar moande geleie woar ut da zoëwiet en vruide ich mich al om mich op te geëve vuur de Road va 11. Wie mieng ouwesj mich toen vertelde dat ich Jeugprins moag weëde va de sjunste dörpkes op de welt vóng ich dat ing ganse ieër en super sjiek. Ich spróng ee loak in de lóch.

Ich vrui mich op al die leuke aktiviteite die ich mit alle luuj goan beleëve en natuurlik om same mit ut Blómmemeëdje en de Road va 11 op dr wage te sjtoa, sjnuuts oet te werpe en te danse en te sjpringe.

Same mit alle luuj en kinger va Welte-Bensroa make vier d’r ee geweldig Vasteloavessezoen va vol sjpas en plezeer.

Op noa de sjunste tied van ut joar!

Welte-Bensroa Alaaf!

Jeugprins Yordin dr ieësjte


Bloemenmeisje Charlotte

 Leef Vastelaoves vierders va Welte-Bensroa,

Bloemenmeisje 2020 kl

WAUW! CV de Vlavrèters hant MICH oetgekoaze as Blòmmemeëdje. Wat ing ontzettende ier om ee gans sezoen mede ut gezich va de Vastelaovend i Welte-Bensroa te moage zieë. Ming patetant Uschi woar och oeëts Prinses mit de Vasteloavend en wat hangt vier ut deks hei uever gehat! Jieëker joar doeë ich ming utesjte bes um ee sjung pekske te maake, mar noe moag ich ing va de belangriekste pekskes va Welte-Bensroa aa trekke.

Doamit weët mienge groeëtste dreum wirkeligheet. Vanaaf ut groeëte moment dat ich dat geheime nuits te hure kreeg va miene leeve pap & Lotte en leeve mam & Roel zit d’r confetti in mie köpke. Doa kriegste tog ing roeëd-geël-greune kluur va?! Wat hub ich hei hieël veul zin in zaag! Wat ich ut leukste ving aa de Vastelaovend? Egelik alles; zelf pekskes maake, mitzinge mit ut LVK in mie betste dialect en natuurlik zoevöal meugelik sjnuuts vange bei de groeëte en klingere Vasteloavesóptochte. Óngeleuflig dat ich noe zelf lekkernije moag sjtruie! Ut allerleefste zou ich jieëkere daag hosse bis dat ut dónker weët en ving ich ut joamer dat d’r sjmienk al noa drei daag wer va mie gezich aaf mot.

En wier? Miene naam is Charlotte Steinbusch. Ich bin 10 joar en zit i groep 6 bei meester Ramon. Ik woeën mit mama, Roel, Serafin en Millie i Welte. Mit papa, Lotte, Serafin, Tren en Félien woeën ich in ut Aarveld. Vier zund allemoal gek va Vastelaovend en mieng jongere zuskes en breurkes kriege dat net wie ich mit d’r papleëpel igegote. Ich hoat va danse, knutsele en eët geer sushi. Mie favorite Vastelaovesleëdje geet uever inne reëgewurm.

Vastelaovend 2020 weëd d’r inne wie noch noeëts va te vuure! Alaaf!

Blòmmemeëdje Charlotte