Inloggen

Inloggen

prins_2020_Vlavreters.jpg

SponsorKliks, gratis sponsoren!

Hier zijn ze dan, onze nieuwe jeugdprins Cas I en bloemenmeisje Imke. Uitgeroepen op zondag 14 januari 2018 in het Patronaat van Welten.

jeugd 2018

 

Jeugdprins Cas I

Leejeugdprins Cas If lüj va Welte-Bensroa,

Hei bin ich da: ugge nuie Jeugprins: d’r Cas d’r Ieësjte!

Ich woeën same mit mieng ouwesj en miene groeëte broar (d’r Keo) aa de Professor van Itersonsjtroat, woeë ich 9 joar geleie och bin geboare.

Ich zit op de Sint Martinussjoel, in groep 6 bij d’r meester Frank.

Hobby’s han ich inne ganse boel: trompet sjpiele, tennisse, ozze honk en os anger hoesdeere. Och sjpiel ich geer boete en op d’r Playstation.

Trompet sjpiele lier ich bij Harmonie TOG. Tennisse doeën ich bij TVON.

Vasteloavend viere is mich mit d’r paplepel i gegeëve. Wie ich 2 joar oad woar, gong ich al vuurop in de polonaise op d’r sjpringmiddig. Dat ving ich nog ummer ee va de leukste fieëste va de Vasteloavend.

Ich vrui mich da och wus, dat ich dit joar als d’r Jeugprins va Welte-Bensroa de Vasteloavend maag viere, same mit ut Blómmemeëdje Imke, de Jeugroad van Elf en uch allenui!

Vier make d’r ing hieël gezellige Vasteloavend va!!

Welte-Bensroa ALAAF!!!

Jeugprins Cas I


Bloemenmeisje Imke

 

Leef lüj va Welte-Bensroa,Bloemenmeisje Imke

Mienge naam is Imke Feijen, ich bin geboare i Welte en bin noe 9 joar. Ich zit natuurlijk op de Sint Martinussjoël. Ontzettend sjiek ving ich ’t dat de Vlavrètere mich hant gevroag um Blómmemeëdje te weëde. Mienge pap, deë zelf 28 joar geleie Jeugprins is geweë bie de Vlavrètere, vertelde mich ’t gouwe nuujts wie vier mit de herfsvakans in ing sjieke tent kampeerde. Pap vertelde dat ze ing verrassing vuur mich houwe, en ich dach; ich krieg eindelik inge knien! Dat woar ‘t evel nit… wie pap vertelde dat ich blómmemeëdje ging weede, woeëd ich gans sjtil… ich, blómmemeëdje, waauw!!! Ing weëk van te vuëre woar ich mit mama en oma Leentje klidjes goa passe bie Ottelien op g’n Berg, “vuur went ich mesjien blómmemeëdje zou weëde”, zag mama…. Ich wis geliek wie ’t klidje mós oetzieë en woar zoë trots wie inge pauw.

Mieng hobby’s zunt: dansen, scouting en klarinet sjpieële bie de TOG. Wat ich och gans geer doë, is skië mit mieng famielie. Vuural mit mienge nonk Pim goa ich geer ‘off-piste’.

In os famielie zit vöal prinselik blood. Nit alling mienge pap woar Jeugprins, och mienge patenonk Bram woar groëte Prins bei de Vlavrètere, mienge opa Cees woar Prins bei CV de Lotbroekers i Gebrook in 1988 en d’r nonk Steph (inge nonk van mienge pap) is al bauw zie ganse leëve Prins van d’r KK de Woeësjbülle. Al sinds ich ee gans kling meëdje bin, gunt vier mit Kwieën Loewiesz mit in de optochte in Welte-Bensroa en Heële! Carneval viere is mich dus mit d’r papleëpel i gegeëve.

Ich vrui mich ’t mieëtste op d’r groëte optoch durch Welte en Bensroa, went ich boavenóp d’r groeëte wage maag sjtoa en ich noa alle kinger van de sjunste plaatsje i Heële klumpkes maag werpe.

Mieng ouwesj hant speciaal vuur mich os hoes van boave tot onger verbouwd, mer mesjien is mieng blómmepalies aan de Weltertuijnsjtroat mit carneval waal nog nit gans veëdig. Evvel, dat maag de pret nit drukke, v’r maake d’r inge ónvergeëtelige vasteloavend va!

Inge sjunne carneval wunsj ich uch allenui, vasteloavend saame!

Blómmemeëdje Imke